Saturday, May 4, 2013

Edelweiss..

        Галерей үзсэн. Гарч яваад керамикаар хийсэн зүйлс зардаг жижигхэн дэлгүүрээс цагаан уул цэцэгний дүрстэй зүүлт аваад. Худалдагч эгч нь наад чинь тийм бэлгэдэлтэй байхгүй юу гээд л хэлж байна. Аан л гэж бодоод нээх тоосончгүй. Харин зүүгээд явж байхад нэг тийм ер бусын эрдэнэстэй болчихсон юм шиг л баярлаад.

     Энгийн л нэг эд зүйлс байлаа гэж бодоход дурсамж нэмэгдэхэд л онцгой болчихно. Гар хийцийн жижигхэн зүүлт танихгүй эгчийн хэлсэн үгнээс нь болоод л нээрээ л тийм зүйл болох  юм шиг, өөртөө миний мэдэхгүй хүчийг агуулаад байгаа юм шиг болно гэдэг ч...

          Итгэл төрүүлэх ямар нэг зүйл, хүн, үйл явдлыг байнга хайж байдаг. Би ч гэлтгүй бүгдээрээ. Өөрсөддөө шууд тийм шүү гээд бодоод л түүндээ бүрэн итгэж чаддаггүй учраас итгэл найдварыг хаа сайгүй хайна. Амьгүй эд зүйлсийг хүртэл хүчтэй болгож харах гэж оролдоно. Зарим нь зурхайд итгэнэ, мэргэлүүлнэ, эсвэл зүгээр хүнээс асууна.

       Эд зүйлс бидэнтэй ярьж эхлэх үе. Нэг талаас болж байгаа юмнуудад байнга учир шалтгаан холбоо гаргах гэж хүний зан байж болох ч, бас амьдарч байгаагаа илүү мэдрэх гэсэн нэг инээдтэй арга ч юм уу. Нүдний дусаагуур дотно харагдаж, номын сангийн хуучин тавиурууд гуниг төрүүлж, ширээн дээр үлдээсэн хэдэн хуушуур хайр төрүүлж байж болж байхад яагаад тэр зүүлт баяртай мэдрэмжинд автуулж чадахгүй билээ. Гэхдээ л хүний мэдрэмжүүд гэж сонин зүйл байгаа юм шүү...

       Хаа сайгүй л өөртөө байхгүй зүйлсийг хайж байна. Бүр юм бүхнээс. Хүмүүсээс хүртэл. Надаас гарахгүй байгаа тийм зан чанартай, байлгая гээд ч болохгүй байгаа тэвчээрийг, сэтгэлийн тэнхээг өөрсөддөө агуулдаг тийм хүмүүсийг хүндлэх сэтгэл төрдөг. Үнэнч сэтгэлийг бэлгэддэг гэсэн энэ жижигхэн зүүлтийг ч гэсэн хайрлах сэтгэл төрж байна. Эхэлсэн зүйлээсээ эргэж буцъя, шинээр эхлээд бүгдийг нь өөрчлөе гэсэн бодол надад нэг ч байгаагүй юм шүү. Өөртөө ирсэн хайрыг даагаад аятайхан явж чаддаггүй яачихаав дээ гэмээр мангар хүн юм болохоор үүрдийн гэснийг илтгэсэн энэ зүүлтийг нь хадгалаад явж байвал тэр чанар нь дамжиж ч юуны магад.

2 comments:

  1. huurhun zuult bn shd.. deer neg manai eej huduu yavaad tsgaan uul tsetsegnii zurag.g darchaad teriige nileed heden huvi ugaalgad hamaatanuud ajiluunha ged havi oirhiinhoo buh ohiduud ugch bj bilee, ter ni yaj bgan gsen chin huurhun ohiduud unench saihan hairtai uchiraasai ged ugch bgan gsen..

    ReplyDelete
    Replies
    1. зүүлт зарж байсан эгч бас тэгэж хэлсэн, хатаагаад дэр хийдэг л цэцэг гэж мэдэж байснаас ерөөсөө тэгэж сонсож байгаагүйн, жуулчид харах гээд уул хэрээд явчихдаг тийм учиртайн байсым шиг байна лээ

      Delete